Hunpui Boruak

Malsawmna nge anchhia?

Hunpui han tih hian heng, Krismas leh kumthar te hi lo tinzawn ta deuh ila. Hetiang hun hi mi tam tak chuan kan dawngsawng thiam lo fo thin a, kan dam chhung atana kan inchhirna tur leh kan nun rah pelhna hun atan kan hmang fo thin. Hei hi a pawi em em a, hunpui kan hman chhan leh kan tana malsawmna thlentu a nihna hi anchhiaah kan chantir tihna a ni.

            

Hunpui boruak a lo thlen hian theihpa-tawpa inbuatsaihna nen lo hmuah hi a tha a, hlim tak leh hlawk thei ang bera hman pawh kan tum tur a ni. Chutianga kan hman theih nan kan rilru leh taksa kan buatsaih bakah, kan in leh lo, ei leh in bakah silhfen thlengin kan inpuahchah thin pawh hi a tulna chen a awm ve tho mai.

            

Chutihlai chuan thenkhat chu kan then tak te ngaia lo inngaihtuah lunghnura, lo indawm kun reng pawh kan awm thin. Hei hi thil awm lo pawh a ni lo va, tihawm tak pawh a ni mai thei e. Mahse kan lunglenna kaitho chawp zawnga sulhnu hlui eng eng emaw chhui a, rual pawl thei lo lek leh, Biak In leh Kohhran ho thiltihna, kan tel vena tur awm rengah pawh tel hlei thei lo va min siamtu a nih chuan Sual hnathawh a ni thei tih pawh i hre tel ang u.

            

Hunpuia kan hman chhan  hi hrechiang i la, Pathian duhzawnga kan hman chuan ka tan malsawmna a ni ang a, Pathian duhloh zawnga kan hman erawh chuan kan tan anchhia a ni kumkhua dawn a ni. 

- Hlima Ralte/December 2010