Mi chi hrang hrang..

Khawvelah hian mihring kan tam hle a, vaibelchhe tam tak zingah hian pianphung emaw, nunphung emaw, rilru leh duh zawng in ang chiah chiah mihring tumah reng zu awm lo va ! an hmel a inan viau pawhin an vun rawng a danglam a, chutah pawh la in ang viau mah se an duh zawng leh rilru puthmang tal a dang lam a ni. Rilru leh ngaihtuahna chu lo dah tha ta pawh ni ila, pianphung in ang leh fu-ke in ang chiah pawh an awm lo reng reng an tih chu !

            

Chutiang mihring kan nih avang chuan kan khawsak dan te, kan inchei dan te, kan nunphung te chu a lo thuhmun thei hauh lo mai a. Thian inkawm ngeih leh in hmangaih tak te pawh intihthinur chang te, intihvui chang te, ngaihdan intawmpui theih loh hun te a lo awm thin. Chhungkua leh nupa kar thleng pawhin hei hi pumpelh theih a ni lo.

            

Hetiang a nih avang hian Kohhran leh khawtlanga kan chenhonaah phei chuan mi chi hrang hrang, mize hrang hrang, seilenna inanglo tak tak kan nih hlawm avang hian inhriatthiam tawnna leh inngaihdamtawnna kan mamawh nasa leh zual a. Ka duh dan leh tum dan vekin thil a kal thei lo tih hi kan pawm thiam a tul a ni. Kan thawhpui/rawngbawlpuite duh dan kan zawm thiam a tul hun a awm fo thin. Kohhran-ah phei chuan Thlarau dinhmun inchen lo tak tak leh rinna thu-ah pawh inchen lo tak tak kan ni tih hi kan hriat a, in dawm tawn leh in hrethiam tawna Pathian rawng bawl theih hi a pawimawh takzet a ni#

- Hlima Ralte/4^th Sept 2011