Tunlai khawvelah changkanna in kawng hrang hrangin thalaite min
nuai nasa hle mai. Chu changkanna chuan kawng hrang hrangin thalaite nun min
sawi danglam nasa thin hle a ni.
TV serial
hrang hrang alo chhuak a, mobile phone leh internet khawvelah kan cheng ta a.
Kawng hrang hrangin hmasawnna leh remchanna tamtak min thlen a, alawmawm hle a ni. Music lamah nise music style hran
hran alo chhuak a, hmasawnna chi khat chu a ni reng mai. Mahse heng thil zawng
zawng hian thil dang ken tel tha leh tha lo anei ve zel a, fashion-ah leh kan
rilru sukthlek danah kawng hrang hrangin min ti sawi danglam nasa thin a, min
sawi danglam nasat theih thin zia hi thil mak tak a ni.
Kan sawi fo
thin, kan kohhran leh TKP programme thleng hian nasa tak chuan min nghawng thin
niin a lang. Ni e, kan programme siam dan leh kal phung te pawh hi engemaw
chenah chuan tih danglam ngaihna te pawh a awm ngei ang. Mahse Lalpa duhdan
zawk ngai chang lo hian kan thalai puite tanpui leh Pathian lama hnuh hnaih kan
tum na lamah hian kan lo kal thui mah mah palh ang tih hi a hlauhawm hle a ni.
Bible chuan, “He
khawvel dan ang hian awm suh ula; Pathian duhzawng, a tha leh lawmtlak leh,
thatfamkim chu in hriatfiah theih nan, in rilru a thara awmin lo danglam zawk
tawh rawh u”, tiin min hrilh a ni. Chuvangin kan programme siam danah leh
kal danah hian fimkhur a ngai hle a ni.
Thil pawimawh
tak pakhat chu keimahni mimal tin te hian ‘Principle’ fel tak kan neih
hi a ngai a ni. Heng thli chi hrang hrangin min chhem ang ang a, awn dual dual
hi a fuh ber lo mai thei a ni.Tunlai khawvel mila inher rem a ngaih chang pawh
a awm tho maithei, apawimawh berah chuan Pathian duhdan leh Bible min zirtirna
anga kan kal ngam hi a tul fo zawk a ni...
- Hlima Ralte/October 24, 2010
No comments:
Post a Comment