365 Pages..

Kum 2011 kum bul kan hmang tan mek, Lehkhabu angin kan hun hi chhiar ta i la, kum 2011 atan phek 365 a awm a, vawiinah a phek 1-na kan keu leh mek a ni. Kum 2010 bu kan khup fel a, kan thil tih tawh te kha thai chhiat, nawh reh leh theih a ni tawh lo, kan ziak tawh a, a awm reng tawh dawn. 2011 bu tharah hian engnge kan ziak leh dawn ?

            

Kan nitin nun hman dan te chhui kir a, in siam thatna tur kan neih te hmuh chhuah tum i la, kan hma lam hun, phek thar kan keu apiangin kum tawpa kan inchhirna tur leh Pathian rorelna hmaa an keu let leh huna kan zah ngawih ngawihna tur emaw, kan thlarau thiamloh min chantirtu atan i hmang dawn em ?

            

Nimina ka hun hman leh ka nun hman danah ka lungawi em ? Vawiinah hian eng angin nge ka nun ka hman dawn ? naktuk-ah vawiin aia tha zawk-in engtin nge ka hun ka hman ang ? tiin nitina kan hun hman dan tur hi kan chhut thin a ngai a ni. Kum bul kan tan chho mek a, he lehkhabu phek 365 hi ziak zo hman lovin  kan thi thei a sin. Chuvangin a phek tin hi uluk takin i ziak ang u.

- Hlima Ralte/January 2011