Enteh.. kan fanu hi...

Khuanu Chhanhim, khawngaih malsawm kan dawn, kan fanu hi..
Duat ten i chawi rei lo lua e..ka ngaithiam lo..
Thinlaiah a cham reng mai, zaivawra i awih hla..
''Ka fanu, ka fanu, ka fanu..nu..nu.., Fanu, fanu, fanu..nu"
Min deng na ngei e, lai ril a fan vawng vawng..

Kan enchim loh, duat lai Bawihte-i hian min tinui thin a..

Kan nui ri a reh hma-in, i hriat ve duhin thinlung a rum leh si !!

Hmatiang sawna thanglian zelin, thiam thar a nei ve zel a..

Lawm a kim thei lo, i tel lo chuan, thinlaiah i cham reng si..
Nang ngaia kan rumna hi kan lawmna hian a khuh zo lo ve..!

‘Aaa-ma..’  a tih thiam hun i nghahhlelh zia kha...

Tunah hian ‘aa-ma.., aa-nu..’ tiin a ko thin che a sin..

Rawn chhang ta che..a koh lawm lawm che hi..i ngawi reng dawn em ni ? 

A banah kai a, khawlai lenpui theih hun i nghahhleh thin zia kha...

Rawn kai ta che...a kut a rawn phar chhuah hi, lo vuan ta che..!! 

Mi nauten hlim taka an nu te an ko ri a hre ve thin a...

A lungawi loh changing  zualko tur leh vuina thu thlen tumin..

A au ruai ruai thin che, ‘a-ma, aa-nu’ tiin.., mahse i chhang ngai si lo !

A thinrim beidawngin..'bah..bah.." a tih te hian lo thinrim suh aw !

A huat vang che a ni lo… a ngaiin a mamawh em che a ni..

I sakhmel hmuh tumin a zawng ruai ruai thin che..

A tawng si lo.. i hlim thla leh silhpuan mai lo chu..

I hlim thla belin i kiangah kal tumin a pan che hi..

Lo chhawn ta che..duat te’n lo pawm la, lo chul mu rawh,

Chutin muangten i tangah beiin a lunglawm a kim ngei ang..!

-Hlima Ralte/April 20,2014