I din thar leh ang u..

2011 kum bul kan tan chho mek a, kuminah hian Serkawn mipuite hian kan neih chhun, Serkawn tan hian  heti zawng hian rilru kan seng thar leh thei ang em ?

1. Faina kawngah: Kan rual u te leh mi hmasa ten an ngaihpawimawh em em, Serkawn tinuamtu leh tihmingthangtu pakhat chu ‘Faina” hi a ni awm e. Hengte hi thawnthu sawia sawi liam mai a va hlauhawm em ! Hawh u faina hi din thar leh i la, khawlaiah bawlhhlawh paih mai mai lovin, a chhartu nih i tum leh zawk ang u.

3. Mizoram Oxford: L.Keivom khan Serkawn a hmuh dan chu “Mizoram Oxford” tiin a sawi chhuak hial a nih kha. Kan hrang hlui, Serkawn lo tihmingthatu tam tak an liam ta, thangthar ten kan chhunzawm dawn em? Hun engemaw chen kan bo-sal  hman niin a lang. Engatinge lehkha zir rual, zir tawh lo(Drop- Out) kan va tam ta em! Hawh hu, Mizoram Oxford hi i din thar leh ang u. 

3. Green Serkawn: Hmasawnna leh thil thar tam tak avangin kan khawlaia thing te a chereu lo thei lo fo thin. Mahse, kan compound leh kawng dung velah te a tam thei ang ber thing hring neih tumin hma la zel i la. A awm tawh sa te pawh duat takin i enkawl ang u. Kan kawtkai leh in bul vela hmun awl neite chuan pangpar chin leh plantation te i uar thar leh ang u hmiang, tichuan Serkawn hi a lo par vul leh dawn nia.

4. Mi elrel leh sawi chhiat bansanin: Kan aiawha kan thlan, kan hruaitu te tlinlohna midang hnena sawi bawng bawng te,  thenawm khawveng leh rawngbawlpuite chanchin  a tha lam zawng ni lo va mi dang hnena sawi sep sep te, mi chhungkaw nun phung emaw, an tlin lohnate thenawm khawvengte hnena sawi ser ser te hi hmanlai zia a ni tawh a, kan bansan a hun ta. Mahni i in en theuh ang u. Khua leh tui in hmangaihtawnna thinlung pu i la, Krista hnungzuitu kan nihna hi thenawm khawvengte-ah i ti lang zawk ang u.

- Hlima Ralte/January 2011